Giangkon sa rebeldeng NPA ubos sa Eastern Misamis Oriental-North Eastern Bukidnon, nga sila ang miatake sa Binuangan, Municipal Police Station Misamis Oriental, niadtong kadlawon sa adlawng Dominggo.
Kini ang gikompirma ni Ka. Malem Mabini, ang Spokesperson sa NPA- NCMR.
Matud ni Ka. Mabini nga gihimo ang maong pagpangatake isip pagpaningil sa utang dugo sa kapolisan, kabahin sa gihimo nga reinforcement force nga nag-raid sa mga sakop sa EMONEB nga naghimo pagpasabot sa mga residente sa Barangay Ampianga, Sugbongcogon Misamis Oriental, sa kadaut nga ihatag sa ekspansiyun sa Del Monte sa lugar.
Dugang pa ni Mabini nga nahitabo kini niadtong Agosto dos ning tuiga, kinsa usa ka kauban ang diha-diha nga napatay sa pinusilay, samtang laing usa nga samaran ang gitiwasan sa polis.
Samtang magsilbing tubag sa New Peoples Army kon NPA ang pagsulong nila sa Binuangan, Municipal Police station sa aksyung militar, sa pagsabotahe sa rehimeng US-Duterte kalabot na sa hisgutanan sa kalinaw.
Matud ni Ka. Mabini, nga gipakyas ni Presidente Rodrigo Duterte ang pangandoy sa katawhang Pilipino alang sa malahutayon ug makatarunganong kalinaw.
Dugang pa ni Mabini, nga gibaharan pa sa Presidente ang mga legal nga progresibong grupo, pinaagi sa crackdown ug pagpangdakop, ug ang pagdeklara niini nga ‘’terorista’’ sa nasudnong demokratikong rebolusyonaryong kalihukan.
By: Aiza Enloran
