Sumala ni Michael Yarra, Land Transportation Office (LTO) 11 Adjudicator ug Hearing Officer, ilawom sa Republic Act 4136 kun Land Transportation and Traffic Code Rules, ang pagkalambigit sa mga drayber sa bangga makonsidera kining reckless driving ug kung ikaupat na kining offense o sobra pa ma-revoke na ang driver’s lisensya niini.
Hugot ginapatuman sa LTO 11 ang demirit points, ma-revoke usab ang lisensya sa drayber kung naka-40 na kini nga mga demerit points.
Samtang, matud ni Police Major Dexter Domingo, Davao City Police Office Traffic Enforcement Unit (TEU) chief, magdepende usab sa hibug-aton sa kaso sama sa usa sa nahitabong hit and run cases sa dakbayan gi-revoke dayon sa LTO 11 ang lisensya sa drayber bisa’g first offense pa kini.
RadyoMaN Aimee Guinita
