Naglab-ot na sa onse (11) ka alkalde ang napatay sa idalum sang Duterte administration.
Sang 2016, napatay sa isa ka armed encounter ang mayor sang Datu Saudi Ampatuan, Maguindanao nga si Samsudin Dimaukom.
Sang November 5, 2016, napatay sa sulod sang presuhan si Albuera Leyte Mayor Rolando Espinosa Sr.
Isa ka bulan ang nakalipas, patay man sa ambush si Pantar Lanao del Norte Mayor Mohammad Exchan Limbona.
Patay man sa ambush si Ilocos Norte Mayor Arsenio Agustin.
Patay man si Balete, Batangas Mayor Leovino Hidalgo matapos ginluthang.
Sang July 30, 2017, patay man sa raid si Ozamiz City Mayor Reynaldo Parojinog.
Subong nga 2018, 5 ka mga alkalde ang ginbawian sang kabuhi.
Ini ginalakipan nanday Buenavista, Bohol Mayor Ronald Lowell Tirol; Batangas Mayor Antonio Halili nga ginluthang samtang nagaflag raising ceremony; General Tinio, Nueva Ecija Mayor Ferdinand Bote; kag Cebu Mayor Mariano Blanco nga ginpatay sa sulod sang town hall.
Pinaka-ulihi diri ang natabo nga ambush sa diin ginkamatay ini ni Mayor Alexander Buquing sang Sudipen, La Union.
Anum naman ka mga bise alkalde ang ginpatay halin sang August 2016 tubtob July 2018.
Ini ang mga masunod:
Pamplona, Cagayan Vice Mayor Aaron Sampaga Datu Saudi Ampatuan, Maguindanao Vice Mayor Anwar Sindatuk Roxas, Oriental Mindoro Vice Mayor Jackson Cinco Dy Ronda, Cebu Vice Mayor Jonah John Ungab Trece Martires, Cavite Vice Mayor Alexander Lubigan Sapa-Sapa, Tawi-Tawi Vice Mayor Al-Rashid Mohammad Ali
Photo from web// via GMA News
