Davao City – Ipahigayon na karong adlawa, May 16, 2019 ang local recruitment activity sa usa ka BPO company nga nahimutang sa Jacinto extension ning syudad sa Davao.
Sa pakighinabi ni RadyoMaN Misel Miral-Galve kang Erwin Cagape sa Public Employment Service Office kun PESO-Davao atol sa tulumanong Serbisyong Straight to the Point, gibutyag niini nga magsugod ang maong aktibidad alas 9 sa buntag ug mahuman alas 3 sa hapon diin abri kini alang sa Persons with Disabilities kun PWDs ug Out of School Youth nga gusto mamahimong call center agents sa Sutherland Global Services Philippines, Inc.
Sumala ni Cagape nga mamahimong magdala og resume ug uban pang mga dokumento sa pagpangapply.
Samtang karong adlawa usab magpahigayon og recruitment activity ang PESO-Talomo alang sa mga buot mangapply isip Service Household Worker sa Qatar, Malaysia, Kuwait, Singapore & Oman.
RadyoMaN Renz Barbarona
