Red Cross Davao: Davao blood donors 10% lang

Davao City – Anaa lamang sa diyes por ciento paubos ang naga donar og dugo sa dinhi sa syudad sa Davao.

Kini mao ang gibutyag ni Dr. Eduardo Robillo, Philippine Red Cross-Davao City Head, atol sa gipahigayong presser sa adlaw’ng Lunes.

Gitataw ni Robillo nga nag-unang rason niini mao ang kahadlok sa mga Dabawenyo sa dagom, trauma, phobia sa dugo ug ang kapakyasan makadonar gumikan sa nasinatiang balatian sama sa dengue, HIV-AIDS, tuberculosis ug uban pa.


Hinuon, segun sa Red Cross-Davao head nga sakto lang ang ihap sa blood donation sa tibuok Davao region bisan pa man ‘constant’ ang demand niini.

Gikanayon niini nga anaa sa 200-300 units sa dugo ang ginarelease matag adlaw.

Dugang ni Robillo nga dakong tabang ang Blood Donation Ordinance sa Davao diin ginamandoan ang kabarangayan nga magpahigayon og kaugalingong blood programs.

Gidasig usab niini ang katawhan ilabi na ang mga Dabawenyong kabatan-onan nga mag donar og dugo sanglit ubay-ubay ka mga maayong benepisyo sa panglawas ang ilang mabatonan.

RadyoMaN Jason Amisola

Facebook Comments