Davao City – Wala makasinati ang usa sa opisyal sa grupo sa mga magpapatigayon sa syudad sa Davao sa opisina sa lokal og national kabahin sa giingong ‘red tape’ kon paghatag ug salapi aron mamahimong dali ang i-prosesong mga dukomento o papeles sa usa ka ahensya sa gobyerno.
Sumala ni Davao City Chamber of Commerce and Industry Inc. (DCCCII) board member Antonio “Tony” Dela Cruz, wala siya makasinati luyo sa giingong red tape.
Gani gihimo niyang ehemplo ang buhatan sa Land Transportation Office (LTO-XI) dinhi sa rehiyon sa gipakitang maayong serbisyo sa katawhan.
Tungod niini gikalipay ni Dela Cruz ang gipakitang maayong pagserbisyo sa maong buhatan ug manghinaut usab siya nga ingon ini usab ang uban pang mga opisina sa panggamhanan. Aron matabangan ang gobyerno kabahin niining red tape, iya pang ginabisohan ang uban nga dili maghimo niini tungod kay makadaut kini sa dungog sa syudad ilabina nga ang atong presidente taga-Davao.
RadyoMaN Bernard Pantallon
