Red tide alert sa Balite Bay Mati, gipataas

180

Davao City- Naapil ang Balite Bay, Mati, Davao Oriental sa pito ka mga lugar sa Pilipinas nga gipataas ang red tide alert sa Bureau of Fisheries and Aquatic Resources kun (BFAR) human nga nakumpirma nga dunay usa nga namatay tungod nalason sa gikaong shellfish.

Sumala sa BFAR fisheries Resources Management Division Chief Sandra Arcamo, positibo sa red tide toxin ang nasangpit nga bahin sa Mati City lakip na ang unom pa ka mga lugar sa nasud nga mao ang Irong-Irong Bay, Eastern Samar, Inner Malampaya Sound, Taytay, Palawan, Puerto Princesa Bay, Palawan, Baybayon sa Mandaon, Masbate, Baybayon sa Placer, Masbate, Siit Bay, Siaton, ug Negros Oriental.

Pahinumdom ni Arcamo, dili mukuha, mamaligya o mukaon og mga shellfish sa mga lugar nga dunay red tide alert apan iyang giklaro nga pwede mukaon og isda ug pusit sa mga red tide areas apan kinahanglan nga malimpyuhan kini og tarong ug matanggalan og laman loob.


Kasamang Renelyn Barbarona

Facebook Comments