Davao City – Gihulat pa karon sa management sa Davao City Overland Transport Terminal (DCOTT) ang memorandum gikan sa Land Transportation Franchising and Regulatory Board (LTFRB-XI) sa implementasyon sa reduced physical distancing diha sa mga public mass transport vehicles.
Sa interview sa DXDC 621 RMN Davao kang DCOTT Manager Aiza Usop, nasayrang hugot gipatuman karon ang one-meter distancing sa mga pasahero sa matag usa samtang wala pa nila madawat ang maong guidelines.
“Wala pa koy nadawat nga memo or guidelines niana, in fact nagapaabot pud ko sa atoang proper coordination with the LTFRB because ang LTFRB ang naghatag atong social distancing nga one seat apart…We have to coordinate para pareho ang atoang gina-implement,” sumala ni Usop.
Matud ni Usop nga ubos sa gipaluagang community quarantine sa dakbayan, anaa na sa 300 ka mga buses ang gi-aprobahang makabyahe sa Davao Region ug sa uban pang kasikbit nga mga rehiyon gawas sa CARAGA Region ug vice-versa.
RadyoMaN Aimee Guinita
