Maga-operate ang probinsya sang Iloilo subhong nga tuig sa reenacted budget sang 2018.
Ini ang ginpahayag ni Governor Arthur Defensor matapos wala maaprobahan sang Sangguniang Panlalawigan ang 3.7 billion pesos nga proposed budget para sa karon nga tuig.
Suno kay Defensor nga sa pihak sini, tinguhaan sang provincial government nga magapadayon ang serbisyo sang mga ospital sang probinsya kon sa diin pangitaan niya sang paagi nga mabayaran ang suweldo sang mga doktor kag mga job hires sang probinsya.
Ginpahayag man sang gobernador nga bangud reenacted budget ang gamiton sang probinsya, maapektuhan ang kontrata sa janitorial services kabangdanan nga pangityan man sang paagi kon paano mapabilin ang katinlo sang kapilyo kag Iloilo sports complex.
Facebook Comments
