Refill nga butane gas canister ginadiscourage sang BFP Koronadal.

12

Ginadiscourage ni Senior Fire Officer 1 Mikael Francis Falalimpa, Chief Intelligence and Investigation Unit sang BFP Koronadal ang paggamit sang refill nga butane gas canister tungod manipis na ini nga posible may leak na amo nga mangin tunaan sang sunog.
Wala man niya ginarekomendar ang pagbutang sang basa nga tela sa tangke tungod kaya sini nga malahon nga posible mangin rason man sang sunog.
Dugang pa ni SFO1 Falalimpa nga mas makapaayo kon bag-o nga canister ang gamiton kag mangin responsable ukon bantayan sa tion nga maggamit sang butane tungod malapit sa kalayo ang tangke sini.
Nahibaluan nga ang nangin tunaan sang pagkasunog sang portion sang isa ka balay sa Blk. 7 Lot 20, Marville Homes, Koronadal City ang tungod sa butane.
Ginkumpirmar man ni SFO1 Falalimpa nga yara sa P2, 000.00 ang gindeklarar nya nga danyos sa nasambit nga insidente sang sunog kahapon nga adlaw.

Facebook Comments