ROXAS CITY, CAPIZ- Isa ka giftgiving activity ang ginpatigayon kahapon sang mga membro sang Officers’ Ladies Club – 6 sa isa ka gatos ka mga indigenous peoples nga mga Aeta ukon “Ati” sang Brgy. Aglalana kag Brgy. Tag-ao sa banwa sang Dumarao.
Ini mismo ang ginpangunahan sang mga asawa sang mga matag-as nga opisyal sang Police Regional Office 6 sa pagpanguna nanday Mrs. Mary Rose Bulalacao, Mrs. Mavic Canieso, Mrs. Mariz Fuentes, Mrs. Emma Gustilo, Mrs. Donna Asmod, Mrs. Elena Garbansos, Mrs. Maila Dado kag Mrs. Mic Mic Parenio.
Ginsiling sang information officer sang Capiz PPO nga si SPO3 Donna Asmod, kalakip sa mga ginpanghatag sa mga benepisaryo amo ang assorted foods, mga hampangan para sa mga kabataan, panapton, tsinelas. Samtang nagpatigayon man ang mga ini sang pahamtang sa diin nalipay naman ang mga benepisaryo kag nakadaog sang mga papremyo ang mga nagpasakop.
Nag-amba man ang mga “Mandirigmang Mang-aawit” sang PRO-6 samtang ang iban sa mga ini ang nagtanyag sang “Libreng Gupit” sa mga “Ati.”
Bilang balos, nagpasalamat naman ang mga benepisaryo pinaagi sa pag-amba sang “Ati”songs sa pagpanguna sang focal person sang mga Ati nga si Kagawad Elias Valencia sang Barangay Aglalana, Dumarao.
photo © Capiz PPO PCR
