General Santos City–Nagpabiling hapsay ug malinawon ang tibuok Rehiyon 12 luyo pa man sa mga nahitabong patay sa pipila ka lugar sa Rehiyon. Kini ang gibutyag ni Police Lt. Col. Lino Capellan, Spokesperson sa Police Regional Office 12.
Matud ni Capillan nga ilalom sa pagdumala ni Police Brig. Gen. Micheal Dubria, Regional Director sa Police Regional Office-12 nga ilaha pang pakusgan ang pagbantay sa siguridad hilabina nga extended ang Modified General Community Quarantine sa Rehiyon.
Iyang hangyo lang sa katawhan mao ang kooperasyon aron nga mahimong han-ay ug nindot ang implementasyon nga ginapatuman sa kapulisan sa Rehiyon 12 hilabi na sa pakigbatok sa kriminalidad ingon man sa giatubang nga krisis karon sa nasud human miigo ang covid-19 pandemic.
