Davao City- Hugot ang gipatumang seguridad sa Police Regional Office XI sa mga borders aron masiguradong walay matigayong pagpangataki sa mga teroristang grupo dinhi sa Davao Region.
Sa eksklusibong interbyu sa DXDC RMN Davao Police Brigadier General Filmore Escobal, PRO XI Regional Director nakaalerto ang tanang kapulisan sa rehiyon.
“Naa tay command center nga operational. Pag naay ingon ana nga situation automatically gina-alert ang mga regional borders para ma-contain ang area ug ma-secure nato,” sumala niini.
Gipalapdan sa PRO XI ang intelligence gathering aron dili malutsan sa mga dautang elemento ang Davao Region.
Gibutyag ni Escobal, atol sa nahitabong armed encounter tali militar ug grupo sa BIFF Karialan Faction niadtong Sabado daling nagpatuman og lockdown aron dili makasulod sa rehiyon ang mga nanibat nga mga teroristang grupo.
RadyoMaN Aimee Guinita
