Sa interbyu sa DXDC RMN Davao kang Atty. Gay Enumerables, COMELEC XI Asst. Regional Director, niadtong Huwebes Pebrero 10, 2022 nagtagbo na ang ilang buhatan kauban ang Department of Interior and Local Government XI, Department of Health XI, 10th Infantry Division Philippine Army ug Police Regional Office XI.
Sumala ni Enumerables alang sa mga kandidatong mupahigayon og kampanya, meetings, rallies, caravan, motorcade kinahanglan kini mo-apply sa RCCC.
“Ang RCCC they will act on request for permit to campaign sa atoang mga kandidato para sa mga national candidates, ang mga local candidates didto sila mag-file sa ilahang application PCCC, CCCC or sa MCCC,” matud niini.
Segun ni Enumerables, kinahanglang istriktong matuman sa matag election activities atol sa campaign period ang IATF guidelines ug Category Level sa Davao Region.
Gibutyag niini nga gitahasan ang mga barangays nga magmonitor ug mosumite og report kung diin gipahigayong ang aktibidad sa usa ka kandidato. Subay niini sulod sa 72 hours kinahanglan nga mosumite usab ang mga kandidato sa COMELEC Campaign Committee og certificate of compliance sa mga regulations.
RadyoMaN Aimee Guinita
