Davao City – Malaumon si Department of Interior and Local Government (DILG-XI) Regional Director Alex Roldan nga dunay dakung kausaban sa pulitikal ug sosyal nga kahimtang sa nasud alang sa tuig 2020.
Sumala ni Roldan, daku ang tsansa nga mapadayon ang peacetalks tali sa gobyerno ug CPP-NPA-NDFP tungod kay nagkahuyang na ang ilang pwersa og daku ang posibilidad nga dawaton nila ang tanyag sa gobyerno, samtang adunay tsansa usab nga mo-improbar ang dagan sa ekonomiya sa nasud luyo sa mga suliran nga nasinatian sa tuig 2019.
Samtang sa buhatan sa DILG, mag-ekspektar sila ug mas daghang trabaho tungod kay sila ang naa sa sentro sa pagpalig-on sa mga Local Government Units (LGUs) aron maundang na ang mga insurgencies nga maoy ilang gitutokan karon.
Naglaum ang DILG nga mosaka ang standard sa serbisyo sa mga LGUs nga maoy pinaka-sentro sa istratehiya sa pagpaundang sa kagubot sa Pilipinas pinaagi sa pagpalig-on sa mga lokalidad.
Gihangyo usab ni Roldan ang katawhan nga dili mawad-an sa paglaum tungod kay aduna kitay presidente nga naningkamot gayud nga makab-ot ang kalinaw ug kauswagan sa tanan.
RadyoMaN Bernard Pantallon
