Davao City – Ginahulat pa sa DILG-XI ang resulta sa imbestigasyon sa pagpusil-patay kang Brgy. Captain Isabelo Masiwel II sa Barangay Pangaleon, Malita, Davao Occidental. Ang insidente nahitabo niadtong Sabado, Agosto 30, 2025, alas 3:20 sa hapon, sa Brgy. Tubalan.
Sa interbyu sa Davao Media kang Abdullah Matalam, ang Regional Director sa DILG-XI atol sa 31st National Crime Prevention Week nga gipahigayon sa Sandigan Hall DCPO Building, gibutyag niini nga gikondena niya ang maong insidente.
Matod ni Matalam nga pagkahuman sa insidente, nakadawat dayon ang DILG-XI og inisyal nga report gikan sa kapulisan. Sa unang report, giingong gitulis ang kapitan ug kuhaan og P500,000.00. Apan base sa klaripikasyon sa Malita Police Station, P20,000.00 ra ang tinuod nga nakuha sa mga armado.
RadyoMan Don Pulayao
Facebook Comments
