*Nagsugod na kagahapon ang usa ka semanang brigada eskwela sa mga tulunghaan.*
*Sa interview sa RMN ngadto kang Malaybalay City Division Assistant Schools Division Superintendent Sunny Ray Amit, gibutyag niini nga nagsugod na ang mga tulunghaan sa paghimo ug brigada eskwela nga adunay temang “Matatag na Bayan Para sa Maunlad na Paaralan” nga gisigurohon ang pagka-andam sa tulunghaan usa ka semana sa dili pa ang pagsugod sa klase sa June 3.*
*Matud ni Amit nga gipahigayon ang regional kick off sa brigada eskwela karong tuiga sa Luyungan IP High School nga nahimutang sa Bangcud, ning siyudad sa Malaybalay.*
*Nitambong sa mao nga kick-off ang mga schools superintendent sa 14 ka mga division sa Northern Mindanao nga gipangunahan ni DEPED 10 Regional Director Arthuro Bayucot.*
Gidugang pa ni Amit nga nitambong usab sa regional kick off ang taga Department of Social Welfare and Development kon DSWD 10 para mamonitor ang mga ginikanan nga wala nagpatungha ang ilang mga anak.
Nisalmot usab ang mga stakeholders, kapulisan ug kasundaluhan sa brigade eskwela.
