Regondola ta pidi con el pulis cuji con el maga illegal numbers games

El manager del Philippine Charity Sweepstakes Office-Zamboanga branch si Raul Regondola ta pidi con el maga pulis para hace apas con el maga collector y operator del maga illegal numbers game.
Este reaccion di Regondola ya bene despues ya permiti ya otravez el presidente del paiz para continua el operacion del maga outlet del PCSO-Lottery.
Asegun con Regondola estos maga illegal numbers games amo el taman competencia con el maga legitimo gamings del PCSO especialmente na parte del Zamboanga del Norte, Sur y Sibugay.
Omento di Regondola, bien llihero el maga pulis ya anda anda na maga outlet del PCSO y STL para estampa el caratula CLOSED era llihero tamen sila hace apas con este maga illegal numbers games.
Asegun pa con Regondola bien rampante el maga illegal numbers games namaga sercanos provincial pero dol bien tormento man para con el maga pulis hace nasnas con estos.
Tiene pa maga incidente donde el pulis ta cuji pa conel mmaga legitimo collectors o agnets del STL envez cuji con el maga illegal collctors.