Iloilo – Ginpaidalum sang Office of the Civil Defense (OCD) 6 sa blue alert status ang bug-os nga rehiyon bangud sang tropical depression Samuel.
Kasunod ini sang sinapol sang nagkalainlain nga member agencies sang Regional Disaster Risk Reduction Management Council sa rehiyon para sa Pre-Disaster Risk Assessment ukon PDRA kahapon agud madihon na ang mga plano preparedness, prevention kag mitigation.
Suno kay RDRRMC-6 Dir. Jose Reberto Nuñez, ang lihok isa ka pagpahanda sa publiko sang posible mga pagbaha kag landslides tuga sang ulan dala sang bagyo Samuel.
Target sang RDRRMC ang zero casualty sa tagsa ka paglabay sang bagyo.
Pasalig ni Nuñez 100% prepared na ang rehiyon sa pag-abot sang bagyo Samuel.
Ginabanta nga magalandfall sa banwa sang San Lorenzo Guimaras ang bagyo sa Nobyembre 21.
Photo from web
