Residente sa Brgy. Pangologon nanawagan nga hatagan ug pagtagad sa lokal nga panggamhan ang pag quarry sa ilang dapit.
Human mitaas ang tensyon tali sa mga residente sa brgy. Galokso ug sa mga nag quarry o ga kuha ug balas sa ilang brgy niadtong bulan sa disyembre.
Nagreklamo usab ang mga residente sa brgy. Pangologon sakop sa lungsod sa Roxas tungod kay matod pa dako usab ang operasyon sa quarry sa nahisgutan nga barangay, ug naka apekto kini sa ilang mga panginabuhian ug matod pa nangaguba ang ilang dalan nga gi agian sa mga dagkong dump truck nga nagkarga sa mga balas gikan sa suba sa Pangologon.
Saysay pa sa usa ka residente nga panahon mag ulan grabe ka hitak ang ilang dalan ug daghan ng mga lim-aw sa dalan. Gawas sa mga guba nga dalan milapad na pag ayo matod pa ang suba nga ilang gikuhaan ug balas.
Kahinumduman sama sa nahitabo sa brgy. Galokso gibaha ang ilang dapit kaniadtong imaging tuig ug daghan nga mga hayop ang nangamatay ug naanod, ug usa sa ilang gitudlo nga hinungdan sa grabeng pagbaha tungod matod pa sa pag quarry sa ilang dapit.
Mao kini karon ang panawagan sa mga residente sa brgy. Pangologon nga hatagan kini ug pagtagad sa lokal nga panggamhanan sa lungsod sa Roxas aron malikay sa peligro ang ilang kinabuhi kung adunay pagbaha mga moaabot.
Gani kung adunay pag ulan-ulan matag karon ug unya daghan ang mga mo dahili nga mga yuta sa dalan nga ilang agian, hinungdan nga makahatag matod pa ug risko sa ilang kinabuhi panahon nga sila mo agi.
