Davao City – Gi-anunsyo karon sa Commission on Elections (COMELEC) ang mga angay dal-on panahon sa pagparehistro sa buhatan sugod sa Agosto 1, 2019 hangtud sa Setyembre 30, 2019 alang sa 2020 Barangay ug Sangguniang Kabataan (SK) Election.
Sa interbyu sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga magdala lamang ang bag-ong aplikante og government ID panahon sa pagparehistro.
“So magsugod napud ang atong registration this coming Ausgust 1 ug mahuman kini September 30,” saysay ni Caballero.
Segun ni Caballero nga alang SK, mamahimo na nga magparehistro ang 15-anyos pataas magdala lang sa ilang valid ID o kaha birth certificate.
Pagpaklaro sa tigpamaba sa COMELEC-XI nga wala ginadawat sa ilang buhatan ang cedula, barangay clearance ingon man police clearance panahon sa pagparehistro.
“Pero klarohon nako sir, cedula, barangay clearance, police clearance, dili nato sya ginadawat as a valid ID. So dapat valid ID is either government-issued ID or kung wala pwede birth certificate,” tataw ni Caballero.
RadyoMaN Kirby Manzon
