Davao City – Gibutyag ni Davao City Mayor Sara Duterte-Carpio nga mamahimo’ng makauli og probinsya karong Pasko labi na kadto’ng naga trabaho dinhi sa syudad sa Davao.
Matud sa Alkalde nga kinahanglan lamang hibal-on kung unsa ang requirements sa ulian nga Local Government Unit (LGU) samtang i-comply lang usab ang mga kinahanglang rekisitos pabalik sa dakbayan.
“Kung muoli ka sa Pasko didto sa Nabunturan (or sa inyong probinsya), you just check kung unsa ang mga requirement sa LGU para makasulod ka, then pagbalik nimo diri sa Davao, you look at sa requirement of Executive Order 63-B of returning resident,” segun sa Mayor.
Nasayran nga unod sa Executive Order (EO) 63-B ang mga rekisitos labi na sa mga Authorized Persons Outside of Residence (APOR) ug non-APOR human nga gikonsidera sa Joint Task Force (JTF) COVID Shield ang syudad sa Davao isip restricted LGU.
RadyoMaN Kirby Manzon
