Davao City – Mamahimong mopatim-aw sa City Transport and Traffic Management Office (CTTMO) kung adunay reklamo sa annual parking fee lakip na ang wala ma-isyuhi og resibo sa mga parking collector sa CTTMO nga gipatuman sa Davao City.
Sa interview sa DXDC RMN Davao kang Bonifacio Caprecho, Operation Head sa CTTMO gibutyag niini nga wala pa silay nadawat nga reklamo kalabot sa maong concern.
Gipasabot sa opisyal, sa annual parking fee kinahanglan nga adunay resibo nga isyu sa mga personahe sa parking collector sa CTTMO og dili pwede mangolekta nga walay resibo nga ihatag.
Kahinumdoman usa ka suking tigpaminaw sa DXDC RMN Davao ang mipaabot sa iyang concern atol sa Programang Kuskos Batikos kaganinang buntag September 12,2023, human nagbayad og parking fee sa kantidad nga700 pesos apan wala kini ma-isyuhi og resibo sa sakop sa miyembro sa CTTMO.
RadyoMaN Don Pulayao
Facebook Comments
