Reklamo sa mga negosyo sa GenSan, dili sakop sa City Permits

General Santos City— Gipaklaro ni Geraldine Zamora, labaw sa City Permits And Licenses Division nga dili na sakop sa ilahang trabaho ang pagpasirado sa mga establishementong ay permits nga adunay reklamo gikan sa ilahang mga costumer.

Sumala niya nga personal nga miduol kanila ang reklamante sa usa ka Jeanette Travel And Tours nga nahimutang sa Roxas Ave., gumikan sa palpak nga serbisyo.

Apan iyahang gibutyag dihang ilahang gisuta, kompleto sa mga permits ang nasangpit nga establishemento rason nga ang ilaha lang nga mahimo mao ang pagrefer ngadto sa barangay o dili ba kaha pagpasang-at ug kaso sa korte.


Dugang pamahayag ni Zamora nga kini ang unang higayon nga duna silay nadawat nga samang reklamo apan ubay-ubay ang mga reklamante.

Busa siya nag-awhag ngadto sa mga costumer nga ayha mupalit o mag-avail sa serbisyo sa managlahing establishemento, sutaon unta kung lihitimo o dili aron nga dili mailad.

Facebook Comments