Davao City – Subling nagpahimangno ang Land Transportation Office (LTO-XI) sa mga commuters nga gi-isnab sa mga driver nga mamahimong i-padangat ang ilang reklamo sa buhatan sa LTO-Xl o sa Land Transportation Franchising and Regulatory Board (LTFRB-XI) aron mahatagan og aksyon.
Sa interview sa DXDC RMN Davao kang Atty. Neil Cañedo, LTO Regional Director, gibutyag niini nga ubay ubay na usab ang mipadangat sa ilang mulo sa ilang buhatan kabahin sa mga isnaberong driver o mamili og pasahero.
Dugang ni Cañedo, alang sa mga pasahero nga gi-isnab sa mga taxi driver, kuhaon ang pangalan niini, plate number sa sakyanan, unsang oras ug asa nga lugar nahitabo.
Gipasabot ni Cañedo nga ang sama nga binuhatan usa ka violation ug dili angay pamarisan.
RadyoMaN Don Pulayao
Facebook Comments
