ILOILO CITY – Nasandig gihapon sa poder sang presidente ang mangin kapalaran sang i-rekumendar sang Liberal Party nga magabulos sa nabakantihan nga posisyon ni city councilor Jeffrey Ganzon nga karon nagsaka na sa pagkabise alkalde.
Suno kay City DILG Dir. Atty. Ferdinand Panes, bisan pa nga may nominasyon ang LP kun indi pag-aktuhan sang presidente wala man sang matabu.
Paathag ni Panes nga dapat may rekumendasyon gikan sa LP nga isubmit sa opisina sang presidente nga amo ang magaappoint sa posisyon.
Subong man ginpaathag ni Panes nga kun indi ini mabuslan wala man sang problema bangud majority sa gihapon ang konseho nga may nabilin pa nga 12 ka myembro.
Facebook Comments
