Nagapabilin nga ma-ila si mayor Jose Espinosa III sa pagsabat sang matuod
nga estado sang ila relasyon ni congressman Jerry Treñas nga una nga
ginreport nga naguba bangud sa pag-anunsyo sang kongresista nga plano sini
nga magpadalagan sa pagka-mayor sa masunod nga eleksyon.
Limitado sa gihapon ang sabat ni Espinosa kon ano ang ila
naistoryahan ni Treñas pinaagi sa telepono.
Suno sa iya nga wala nila maistoryahan ang natuhoy sa isyu
sa tunga nila nga duiha kundi ang parte gid lamang sa palaabuton nga
barangay elections kag mga programa para sa siyudad.
Wala man nagtu-ad ang alkalde kon mapadalagan man siya sa
pagka-mayor sa masunod nga eleksyon kag ginahulat pa niya ang husto nga
tion.
Suno kay mayor Espinosa nga iya lamang ginapasalig nga
nagapabilin nga magkaalyado sila ni Treñas kag wala sang problema sa
liderato sa siyudad sang Iloilo.
pctto
