Puede ya lleva backpack, sombrero y usa hooded jackets llegar el tiempo de Todos Los Santos y Todo Las Almas na Noviembre uno hasta dos este año.
Este desfues conforma el govierno local con el recomendaccion del Zamboanga City Police Office (ZCPO) para adopta el tal poliza y nomas ya tanto man stricto na llevada del tal mga cosas, sin embargo, queda lang mas stricto el otoridad na checkyada na mga entry points del cada sementeryo donde expectamente monton del mga vivientes el quien hay endereza na mismo dia.
Ya justifica el policia con el mensyonao recommendaccion ablando que el mga vivientes que ta anda na sementerio bien vulnerable na calor y ulan, lo mismo ta necesita sila el sombrero y jacket para usa, lo mismo el backpack para pone las cosas importante, lo mismo diila mga baon comida y agua na diila vicitaccion.
Expectamente, el alcalde del ciudad hay man-issue dos executive order na mga diaz que viene por el implementaccion del mga reglamento y traffic rerouting na mga sementerio principiando Octubre 31 hasta Noviembre tres. – *Bhong Simbajon/RMN News*
