Davao City – Ipanghatag sa lokal nga panggamhanan sa Davao sunod semana ang mga relief goods ngadto sa mga apektadong benepisyaryo nunot sa Coronavirus Disease (COVID-19) pandemic.
Sa pamahayag ni Davao City Mayor Sara Duterte sa Davao City Disaster Radio nga nagprepara ang City Social Welfare and Development Office (CSWDO) og 10,000 ration cards.
Ang mga kwalipikadong benepisyaryo mao ang indigent and out of work, contractual no work no pay and out of work (nag-self quarantine sulod sa 14 days o nagsirado ang gitrabahuang establisyemento) ug self-employed and out of work (Roxas night market vendors, street vendors, massage therapists, manicurista)
Ang pasiunang distribusyon ipahigayon karong Marso 23,24,25 diin ang ayuda good for 1 week kini.
Nagpasidaan ang alkalde ngadto sa mga pribadong sektor nga dili magpahigayon og kaugalingong mga relief operations aron kalikayan ang mga mass gatherings.
Tambag niini nga sa mga buot mutunol og tabang makigkoordinar sa CSWDO aron matuman ang mga sistema sa distribusyon nga masunod ang social distancing.
RadyoMaN Aimee Guinita
