Davao City – Dismasyado ang Pastor’s Auxiliary Chaplaincy International in Mindanao Chapter kang Baptist Bishop Jun Loquias gumikan sa pagmantsa niini sa pangan sa Dios ug sa bulohaton.
Nasubo si PACIM President Bishop Dr.Ariel Coleto sa gibuhat ni Bishop Loquias nga nangilad kini og mga pastors ug uban pang mga biktima gamit ang pederalismo ug ang pangan ni Pangulong Rodrigo Duterte nga naghugaw-hugaw sa bulohaton sa Dios.
Si Bishop Loquias, gidakop sa NBI sa miaging adlaw’ng sabado human 14 ka mga indibidwal ang nag-reklamo nga sila gipaninglan og 400 sa ID sa ilang pagpamiyembro sa grupo niini.
Modus matud pa sa obispo nga iyang patuhoan ang mga tawo nga siya gisugo ni Pangulong Duterte sa pagsabwag sa mga programa alang sa mga pastors pinaagi sa pagpresenta og mga dokumento gikan sa Presidential Management Staff nga pirmado sa presidente.
Gawas ani, nagpaila usab si Bishop Loquias nga siya usa ka coronel sa International Police kung asa ang tanan nga magpasakop sa Interpol ginasinglan og tag singko mil ka pesos.
Daan nang gihimakak ni PCOO Secretary Martin Andanar ang gipasiatab ni Bishop Loquias nga siya gisugo sa pangulo nga magrecruit og mga pastors dinhi gikan sa Mindanao ug sa ubang dapit.
Una nang, mibuto ang modus sa Obispo didto sa South Cotabato human adunay mga nagreklamo batok kaniya.
Nagtoo si Bishop Coleto nga posibli nadala lang si Loquias sa tintasyon sa kwarta apan tungod kay naka-supak man siya sa balaod angay niya kini atubangon sa korte.
Gidasig pa niini ang mga pastors nga nahimong biktima nga pasayloon si Bishop Loquias taliwala sa iyang nabuhat nga sayop ngadto sa mga kauban sa bulohaton.
RadyoMaN Joel Viray
