Davao City – Andam nga makipag-alayon sa otoridad ang pamilya ni Judylou Palas, 22 anyos nga anak sa giingong agent sa usa ka investment scheme sa Tagum City, Davao del Norte aron mas mapadali ang pagkab-ot sa ilang singgit nga hustisya.
Sa interbyu sa DXDC RMN Davao kang Tagum City Allan Rellon, buot niining mahatagan og hinanali nga hustisya ang maong krimen ngadto sa pamilya sa biktima.
“Hopefully, isa man sila sa source of information. So, duha mi ni COP ‘ron nangita’g pamaagi sa iya nga level ug sa akoa nga level kay ang amoa ‘ron nga first thing first is immediate nga hustisya nga mahatag sa pamilya,” saysay ni Rellon.
Gani, nagtanyag karon ang City Government of Tagum og P100,000 nga reward ngadto sa makatudlo sa responsable o nagpusil sa nahisgutan.
Kahinumduman nga samaran usab ang igsoon ni Judylou sa maong insidente apan anaa na karon sa maayong kahimtang.
RadyoMaN Kirby Manzon
