Davao City – Human sa Semana Santa ug long weekend, magpadayon ang remote registration sa Subscriber Identity Module (SIM) card dinhi sa Davao Region.
Sa interbyu sa DXDC RMN Davao kang Nelson Cañete, Regional Director sa National Telecommunications (NTC)-XI, gibutyag niini nga ugmang adlawa, Abril 11-14, 2023 naka-schedule ang remote registration sa Davao Oriental partikular na sa Banaybanay, Lupon, San Isidro ug Governor Generoso.
Sa Abril 19, naka-schedule ang Boston ug Cateel. Abril 20 sa Baganga ug Caraga, ug sa Abril 21 sa Manay ug Tarragona, sa nahisgutang probinsya.
Samtang sa Abril 24, naka-schedule ang remote registration sa Pantukan, Davao de Oro, ug sa Abril 25, sa Carmen, Davao del Norte.
Pahimangno sa NTC-XI official, ma-deactivate na ang mga SIM nga wala narehistro hangtud Abril 26, 2023 nga maoy gitakdang deadline niini.
RadyoMaN Kirby Manzon
Facebook Comments
