Ta conduci ya el Tricycle Adjudication Board (TAB) con el renewal del mga frankisa de tricycle units na diila oficina na city hall.
Asegun con Arturo Cabidog,Jr ya prinsipia el renewal del frankiza del Enero tres hasta na Enero beinte este año donde el cada operator de tricycle necesita cumpli para hinde canila declara colorum.
Bajo na ordinansa 185 o el mas conosido como el Tricycle Ordinance del Ciudad de Zamboanga, el mga tricycle operators y drivers, por el mandato de ley cumbiene man renew el diila mfa frankiza dentro del primer veitne diaz del cada año.
Para acomoda contodol mga tricycle operators y drivers, abierto el oficina del TAB dentro del City Legal Office na Segundo piso del city hall cada dia alas-ocho del aga hasta alas-ocho del noche Lunes hasta Sabado inclujido ya holidays. – *Bhong Simbajon/RMN News*
