[image: IFM 919 Logo (1).jpg]
GIPANGANDAMAN na sa General Santos City Public Terminal ilabi na sa Bulaong Terminal ang ilahang pagkahimuon nga total renovation sa maong pampublikong terminal sa dakbayan.
Gikumperma ni Jong Facurib, ang labaw sa City public terminal, nga aprobado na sa mga Bids and Awards Committee (BAC) ang budget alang sa maong proyekto nga mubalor sa P6.2 milyon.
Dugang pa sa maong opisyal nga aduna nay bidder nga aprubado sa BAC ang maoy muasikaso sa maong proyekto.
Lauman matud pa nga karong unang quarter sa tuig 2019, masugdan na ang renovation sa Gensan public terminal tungod alang pud usab ni sa mga katawhan sa Gensan ug mga bisita ug pasahero sa managlahing lugar.
Facebook Comments
