Balak umano ni Cavite 4th district Rep. Francisco “Kiko” Barzaga na bumuo ng ‘Independent Meow Bloc’ sa House of Representatives.
Ayon kay House Deputy Speaker at Iloilo Rep. Janette Garin, nire-recruit siya ni Barzaga na maging kasapi ng ‘Independent Meow Bloc’ pero tumanggi siya dahil bahagi na siya ng majority bloc.
Hindi naman matiyak ni Garin, kung seryoso o biro lang ang hangad ni Barzaga na magkaroon ng ‘Independent Meow Bloc.’
Si Barzaga ay dating kasapi ng majority bloc pero natanggal siya ng magbitiw bilang House Assistant Majority Leader at bilang miyembro din ng National Unity Party.
Hindi rin kasama si Barzaga sa 27 miyembro ng minority bloc na pinamumunuan ni 4Ps Party-list Rep. Marcelino “Nonoy” Libanan.
Facebook Comments
