Sa tingin ni House Deputy Minority Leader at Mamayang Liberal Party-list Rep. Leila de Lima makabubuting boluntaryong mag-inhibit si House Majority Leader Sandro Marcos sa impeachment proceedings laban sa kanyang amang si Pangulong Ferdinand Bongbong Marcos.
Ayon kay De Lima, sa ngalan ng delecadeza ay mainam na huwag lumahok si Congressman Sandro sa pagtalakay sa impeachment complaint laban kay PBBM ng house committee on justice hanggang sa plenaryo.
Aminado naman si De Lima na hindi pa nya nasisilip ang patakaran ng Kamara hinggil sa ganitong sitwasyon.
Si Rep. Marcos ang chairman ng house committee on rules na nangangasiwa sa “flow” o daloy ng lehislasyon at mga committee hearings at ito rin ang magre-refer sa committee on justice ng reklamong impeachment laban kay President Marcos.
