Roxas City, Capiz – Ginapangitaan na sang solusyon sang DPWH 1st Engineering District ang problema sa trapiko sa dalan palapos sa Brgy Dayao, Libas kag Barra Roxas City.
Ginsiling sang hepe sang Construction Division sang DPWH nga si Eng. Julius Abela, nakig-angut na ini sa talatapan sang Traffic Management Unit kag sa opisina ni City Mayor Ronnie Dadivas para sa pagpatigayon sang rerouting para nga mapahagan-hagan ang mahaba nga pila sang mga salakyan sa tiun sang peak hours partikular sa aga kag hapon.
Samtang isa sa mga ginatun-an amo nga iga-rerout ang mga dalagkuan nga truck nga naga-agi sa nasambitan nga lugar.
Sa madumdoman nga sang nakaligad nga semana, nagtuga sang malala nga trapiko sa amu nga dalan ang pagka-aberya sang isa ka truck sa tunga sang gina-obra nga dalan.
