Rescue mission sa coast guard sa 2 ka mga amerkanong sakay sa nagubang yatenagmalampuson

Davao City – Luwas ang duha ka nga mga American nationals nga sakay sa Pleasure Yacht APKALLU nga gi-rescue sa Coast Guard District Southeastern Mindanao sa kadagatanan sa Surup, Governor Generoso, Davao Oriental.

Sa interbyu sa DXDC RMN Davao kang Captain George Maganto, Commander sa FPB 2402 BRP Panglao, nagmalampuson ang ilahang rescue mission.

Nailhan ang mga pasahero nga sila Nathan Snyder ug Sarra Costelo.

Nidunggo sa pantalan sa Panacan kaganihang alas-5 sa buntag ang barko kuyog ang gi-tow nga yate.

Nipahigayon og medical asssment ang Coast Guard medical team ngadto sa duha ka mga langyaw ug na-interview na usab kini sa Bureau of Immigration.

Kagahapong adlawa, Biyernes Enero 12,2024 nilusad og rescue mission ang Coast Guard dihang nakadawat og impormasyon nga nagpatabang ang nasangpit nga yate nga gikan pa og Indonesia nga mudunggo unta sa Davao para sa customs and immigration clearances apan nagka-trouble ang engine niini samtang galawig sa kadagatanan.

Gipangita sa PCG ug didto kini na-locate ang nadaot nga yate sa may Tibanban, GovGen.

RadyoMaN Aimee Guinita