Sa interview sa DXDC RMN Davao kang Edward Macapili, Executive Assistant on Information and Communications sa Provincial Disaster Risk Reduction and Management Office (PDRRMO) Davao de Oro, iyahang gisulti nga kaadlawon kagahapon, Pebrero 7, 2023, temporaryong gihunong ang operasyon tungod sa panahon apan hinay-hinay ra usab nga nag-resume ang rescue teams.
Gani, migamit usab og helicopter (air ambulance) ang otoridad aron nga gilayong ma-rescue ang mga survivor. Nasayrang aduna nay natala nga casualties ug gikabalak-ang musaka pa ang ihap tungod sa mga nahibiling missing.
“Ang laki po ng challenges kasi unang-una, ang laki po ng bundok na bumagsak at nagka-landslide. Yung condition ng weather, medyo maambon kasi and hindi pwedeng gamitan siguro ng heavy equipment kasi may mga tao sa ilalim na pwedeng matamaan ng mga heavy equipment,” sulti ni Macapili.
Gawas sa rescuers gikan sa PDRRMO Davao de Oro, nagpadala usab og mga personahe ang 11 ka mga munisipalidad sa probinsya aron mutabang sa operasyon, ingon man ang PDRRMO sa Davao del Norte, walay pay labot ang Philippine National Police (PNP), Armed Forces of the Philippine (AFP), ug Bureau of Fire Protection (BFP) personnel, butang nga gisaludohan sa publiko tungod sa ilang tiunay ug buwis buhay nga serbisyo.
RadyoMaN Kirby Manzon
