Davao City – Gisugdan na sa kapulisan ang pag rescue sa mga menor de edad nga makita diha sa kadalanan.
Sumala ni PSI Lilibeth Remolar, hepe sa DCPO-WCPD, ginahimo ang rescue operation nga Sagop Kabataan subay usab sa mando ni DCPO PSSUPT. Alexander Tagum.
Segun ni Remolar nga gitahasan na ang tanang PS ilabi na matag gabii nga i-rescue ang mga nagapangaroling nga mga bata.
Gipasabot niini nga kanunay hatagan sa mga ginikanan og panahon ang ilang nga anak aron dili na kini mangita og laing kauban diin posibleng maka hatag kanila og dautang impluwensya.
Base sa natala sa DCPO-WCPD, mikunhod ang numero sa kasong Children in Conflict with the Law (CICL) diin sa first quarter anaa kini sa 106 cases, 65 sa second quarter samtang mas nibaba sa 29 ka mga kaso sa ikatulong quarter ug matud pa mas baba kini kun itandi sa natalang kaso sa milabay’ng mga katuigan.
Nasayran nga sagad sa mga kaso sa mga minor mao ang pagkalambigit sa kawat.
RadyoMaN Jason Amisola
