Rescuers ng gumuhong gusali sa Florida, aminadong ‘zero chance’ nang may mahahanap pang survivor

Umabot na sa 46 na katao ang narekober ng otoridad mula sa gumuhong gusali sa Miami, Florida.

Ayon kay Miami-Dade Fire Rescue Assistant Chief Ray Jadallah, ipinaalam na sa kamag-anak ng mga biktima na wala nang tsansa o senyales na may buhay pa o survivor.

Tinatayang halos isang daan pa ang pinaghahanap ng otoridad mula sa gusali dalawang linggo matapos ito gumuho.