Reservist sa Phil. Army, nalagsikan og bato sa ulo, patay!

40

Patay ang usa ka reservist sa Philippine Army kagahapon sa mga alas 3 ang takna sa hapon.  Kini human malagsikan sa bato sa ulo samtang nagmaneho sa iyang Utility Vehicle Van Type nga Multicab sa Sayre Highway, Purok 7, Upper Puerto, ning syudad.

Biktima nailang si Sgt. Maximo Buscayno, hingkod ang panuigon nga residenti sa Villa Trinitas Subd., sa Brgy. Bugo ning syudad.  Nasayran nga nakaangkon kini og serious injury sa iyang agtang nga bahin sa iyang ulo human aksidenting naigo og bato gikan sa opposite nga naligsan sa wala pa mailang wing van nga truck.

Gikabutyag nga daling gidala ang biktima sa hospital apan gideklara kining dead on arrival mga alas 4:20 ang takna sa hapon kagahapon sa attending physician nga si DoctorJunaira Rasuman.


Basi sa inisyal nga imbestigasyon nga gihimo sa Puerto police aron ma locate ang posibleng mga nakasaksi sa maong insidenti apan ang bugtong kauban lamang sa biktima ang nakasulti sa identity sa truck nga color gray nga wing van truck ang gikan sa opposite direction padulong sa Puerto proper ang ilang nakasugat nga nakaligis sa bato nga milagsik ngadto sa ulo sa biktima.

Ang maong kaso karon gi-refer na ngadto sa traffic investigation unit aron sa tukmang disposasyon.

Kasama mo sa PS 6 Puerto, RadyoMaN Andy Coco, DXCC Tatak RMN!



Facebook Comments