NEGROS OCCIDENTAL – Ginmandu ni Negros Occidental Governor Alfredo Marañon Jr. ang reshuffling sang mga head sang pila ka mga government hospital diri sa probinsya.
Ang Cadiz District Hospital pagapamunuan na ni Dr. Ma. Estrella Ledesma samtang iga-reassign naman bilang Acting Chief sang Valeriano M. Gatuslao Memorial Hospital sa Himamaylan City si Dr. Allan Ramos.
Kalakip sa mga district hospitals nga may bag-o nga chief amo ang Merceditas Montilla District Hospital sa Sipalay City nga amo si Dr. Leonilo del Carmen kag Vicente Gustilo District Hospital sa Escalante City nga si Dr. Gucerio Javellana.
Ginpahayag nga ang amo nga apat ka bag-o nga mga chief of hospital ang maga report naman sa bag-o nga head sang Hospital Operations Department sang probinsya nga si Leonardo Eusebio. /dyHB BACOLOD
