Mayor Gamar Janihim together with the DSWD, DA and 42IB Phil. Army headed by officials Lt. Basoy, commanding officer & Lt. Ebalan Ex-O distributed 200 relief packs from the NGCP and more than 200 mixed vegetable seedlings to the most affected families of Bagyong Vinta at Brgy. Piacan and 100 households received relief packs in Sirawai Proper.
Dili palang dugay ang lokal nga panggamhan sa lungod sa Sirawai sa pagpanguna ni Mayor Gamar Jahinim uban sa Department of Social Welfare and Development (DSWD), Department of Agriculture (DA) ug ang 42nd Infantry Batallion, Phil. Army nga gipanguluhan ni Commanding officer Lt. Jaynon C. Basoy.
Nag apod-apod kini sila ug 200 ka relief packs gikan sa National Grid Corporation of the Philippines (NCGP) ngadto sa mga residente nga biktima sa bagyong Vinta human kini sila gibaha niadtong Desyembre 2017, gani dili lang ang lungsod sa Sirawai ang naigo sa kalamidad kun dili lakip na usab ang mga kasikbit niini nga mga lungsod ang apektado sa susamang kalamidad.
Gawas sa mga relief packs, mihatag usab ang Department of Agriculture (DA) kapin 200 ka mga nagkadaiyang binhi sa utanon ngadto sa mga pamilya nga mao’y grabeng naapektuhan sa Bagyong Vinta didto sa may Brgy. Piacan sakop sa maong lungsod.
Usa ka gatos usab ka panimalay ang nakadawat ug relief Packs sa sentrong bahin sa lungsod sa Sirawai.
Gikalipay pag ayo sa mga benepisyaryo ang maong hinabang kay bisan sa kagamay sa maong hinabang apan dako na nga tabang ngadto sa mga katawhan sa brgy. Piacan nga totally washout gayud ang ilang pinuy-anan.
Kung adunay nalipay tungod kay naka dawat ug hinabang, daghan usab nga mga indibidwal ang wala nalipay human matod pa wala sila naka dawat ug hinabang.
Saysay pa ni Zhein sa iyang komento sa posting sa Page sa Sirawai matod niya “Nag sige mo ug Post ug mga tabang nga miabot pero unfair tungod ka yang dili duol sa kapitan, dili mahatagan, daghan ang wala nahatagan, tanan gusto unta kung mahimo dili pillion ang tagaan.”
Sa pamahayag usab sa LGU-Sirawai ang listahan sa mga mga benepisyaryo gikan mismo sa kapitan ug ang taga DSWD na ang mo beripika kung pasado kini sa maong ahensya.
