Residente sa Brgy. Sebod Roxas, nabalak human sa engkwentro

Nabalaka pa gihapon ang mga residente sa brgy. Sebod, Roxas, ZDN kalabot sa ilang seguridad ilabi na nga bag-ohay pa adunay nahitabong engkwentro sa miaging semana tali sa tropa sa gobyerno ug mga rebeldeng NPA.
Adunay pipila ka mga residente ang temporaryong nanghiklin sa ilang pinuy-anan sa kalisang nga basin unya adunay mahitabo nga laing engkwentro.
Pero gipaniguro sa mga sundalo nga sakop sa 42nd IB ug 97IB nga luwas ang mga katawhan tungod kay anaa kanunay ang ilang presensya sa nahisgutan nga lugar.
Giawhag lang ang katawhan brgy. Sebod nga motabang sa gobyerno ug dili magpadala sa tam-is nga pagpanglingla sa mga rebeldeng NPA tungod kay wala kini mahatag nga kaayuhan sa ilang kinabuhi kun dili igo lang kini mo guba sa kaugmaon.
Kahinumdoman nga sa miaging bulan 2 ka managlahing engkwentro ang natigayon sa nahisgutan nga lungsod partikular mente sa brgy. Situbo ug brgy. Moliton.