Davao City – Wala na kaayoy mga batan-ong gadula ug nagtambay sa mga internet cafes sa may KM 12 Sasa human niataki ang giingong ‘latigo squad’.
Matud ni Brgy. Sasa Kapitan Jerry Licarde nga nagbilin og kahadlok sa mga katawhan ang maong insidente.
Gimanduan niini ang iyahang mga purok leaders nga pasul-ubon og mga IDs ang mga estudyante aron dili kini maalaang mga tambay.
Panawagan ni Licarde sa tanang taga-Sasa nga mag-igmat ug dili magkumpyansa apan gipasalig niini hugot gayod ang ilahang pagbantay ug pag-roving sukad sa maong panghitabo aron dili na makapamiktima ang maong mga nakamotor nga suspek nga naka-bonnet.
Gihimakak usab niini nga iyahang mga tanod ang nihimo sa pagpangbunal.
RadyoMaN Aimee Guinita
Facebook Comments
