Davao City-Gikabalak-an sa mga residente ug nagabyahe karon ang nabakbak nga kalsada paingon sa little Baguio, Malita, Davao Occidental.
Sa Facebook post sa usa ka Vanessa Gascon, nagpahimangno kini sa tanang drivers nga muagi nga maghinay sa pagpadagan tungod giingong nahulog na ang usa ka lane niini ug hinay-hinay nakankan na ang yuta sa kilid nga bahin.
Gikumpirma usab sa Malita Municipal Risk Reduction and Management Office (MDRRMO) atol sa pakighinabi sa DXDC RMN Davao nga guba ang maong dalan apan, wala pa sila naghatag og kompletong detalye mahitungod sa gipatuman nga safety protocols o mga alternatibong ruta.
Segun sa mga residente nga mas labing delikado kini kung ulan o ngitngit maong sila nagpahinumdom nga mag-igmat ug dili ibutang sa risgo ang kinabuhi.
RadyoMaN Ivy Parido
Facebook Comments
