Resolusyon kabahin sa hugot nga pag-endorso sa local cultural properties inventory sa Bukidnon, gipagula na sa SP

GIPAGULA sa Sangguniang Panlalawigan ang SP Resolution No. 2020-1436 (26th SP), A Resolution Strongly Endorsing to the National Commission for Culture and the Arts (NCCA) The Local Cultural Properties Inventory of the Province of Bukidnon for Inclusion in the Philippine Registry of Cultural Property (PRECUP) isip pagsunod sa Republic Act 10066.

Ang konstitusyon nagmando sa estado sa pagpreserba, pag-uswag, pagpasiugda ug pagpadaghan sa makasaysayanon ug kulturanhong panulundon ug mga kapanguhaan ingon usab sa artistikong mga binuhat ug dugang nga naghatag nga ang tanan nga artistic ug makasaysayan nga katigayunan naglangkob sa bahandi nga kulturang estado.

Makita sa imbentaryo, adunay daghang mga bahandi sa kulturang giila sa probinsya sa Bukidnon ug ang matag usa niini, adunay lehislatibong suporta gikan sa nagkada-iyang Lokal nga Pangagamhanan. Mao kini ang imbentaryong kabtangan sa kultura nga adunay suportadong dokumento. Sa Malaybalay City anaa ang Kaamulan Park, Kaamulan Festival, Centennial Landmark, Centennial Stage, ug Mt. Capistrano. Sa Lantapan, anaa ang Talaandig Cultural Center, Cinchona Reforestation Area ug ang Mt. Kitanglad Range Natural Park- ASEAN Heritage. Sa Impasug-ong, anaa ang Higaonon Monument o Panika ug ang Atugan Drinking Fountain. Sa Talakag, anaa ang Centennial Landmark of Talakag, Talakag History Scroll, Higaonon/ Talaandig Monument, The Shrine, Tulugan ta Talakag Ug ang Rizal Park. Sa Maramag, anaa ang Maramag River. Sa Quezon, anaa ang Sunggod Te Kamanga Festival ug ang Ked Tabur Festival sa Pangantucan.


Ang malakip sa listahan sa PRECUP usa ka kadungganan ug garbo diin giila sa National Arena; kini nga mga kabtangan sa kultura adunay mahinungdanon nga papel ug mahibaluan kung kinsa ug kung unsa ang Bukidnon sa pagkakarun, busa, kinahanglan kini tipigan, mapreserba, mapalambo ug mapauswag.

Facebook Comments