Resolusyon ng both houses na nananawagan ng Con-Con para sa Chacha, aprubado na sa House Committee level

Inaprubahan ng House Committee on Constitutional Amendments ang committee report ukol sa Resolution of Both Houses, na nagsusulong ng Constitutional Convention o Con-Con para sa isagawa ang Charter Change o Chacha.

16-ang bumoto pabor dito, 3-tumutol naman na kinabinilangan ng mga miyembro ng Makabayan Bloc na sina Rep. France Castro, Arlene Brosas at Raoul Manuel.

Nag-abstain naman si House Senior Deputy Minority Leader Paul Daza, dahil mas pabor siya na isagawa ang pag-amyenda sa 1987 constitution sa pamamagitan ng Constituent Assembly o Con-Ass.

Kabilang naman sa mga amyenda na ipinasok ay mula kay Iloilo Rep. Lorenz Defensor na maliban sa “elected delegation,” ay isasama sa Con-Con ang mga “appointed.”