Sa datos nga gipagula ni DCPO-TEU Chief of Police Major Dexter Domingo, nga gikan sa buwan sa Enero hangtod sa Hunyo karong tuiga dul-an 3k na ka motor ang mga disgrasya kun 30% nga pag-usbaw itandi sa samang period sa miaging tuig.
Sa maong ihap, 59 ka kaso niini gilambigitan sa hit-and-run kon 0.2% nga kontribusyon sa entero disgrasya sa mga motor diin duha niini ka kaso pulos patay ang mga biktima, sama nila Ana Marie Talili niadtong Enero ug Mark Ken Mariscal.
Busa tambag sa usa ka Eksperto sa Motor nga si Jan-Jan Umawit sa mga Riders mao nga maging responsable sa paggunit sa ilang mga motor kay aron malikayan ang disgrasya diha sa kadalanan.
Dugang ni Umawit nga kon magparking, kinahanglan palungon ang makina kung automatic ang motor, ug ibutang sa neutral kung de clutch ang motor kay aron dili masusama sa nahitabo sa usa ka Driver nga nakumot niini ang accelerator sa motor samtang gipunit ang nahulog nga sensilyo, resulta nadaro niini ang mga lamesa ug mga bangko sa kilid sa kalsada sa Ponciano ug naangol ang pipila ka personahe sa DXDC RMN DAVAO NEWS TEAM ganinang buntag.
RadyoMaN Joel Viray
